Gwneud Jin Gŵyr
Gwneud Jin GŴYR
Gwneir GŴYR drwy gyfuno wyth o gynhwysion botanegol, gan gynnwys meryw, croen ffres lemwn, croen ffres grawnffrwyth pinc, ffenigl gwyrdd a ffenigl efydd.
Mae'r botanegau'n mwydo am bron i ddau ddiwrnod, yna mae'r wirod sydd wedi'i thrwytho yn cael ei distyllu'n araf er mwyn creu cyfuniad arbennig GŴYR. Mae'r ABV o 43% yn rhoi gorffeniad llyfn.
Pan fyddwch chi'n ei flasu, ry'n ni'n gobeithio cewch chi'ch cludo i'r traethau euraidd maith a'r awyr iach yn un o'r llefydd harddaf yng Nghymru.
Y Pair: Arianwen
I gyrraedd rysáit terfynol GŴYR, roedd llawer o arbrofi i'w wneud ar hyd y ffordd. I ddechrau, feddylion ni am gynnwys dulys ato gan ein bod ni'n dwlu ar ei hetifeddiaeth Rufeinig a'r ffaith ei bod yn tyfu ym mhobman wrth ein cartref ni. Ond yn anffodus, wnaeth y gymysgedd arbrofol oedd yn cynnwys y planhigyn hwn ddim troi allan fel ro'n i wedi ei ddisgwyl! Wnaethon ni roi'r gorau i ddefnyddio dulys a gweithio i gael y cydbwysedd perffaith o ffenigl aromatig. Canlyniad hyn oedd creu'r rysáit ry'n ni'n ei ddefnyddio heddiw. Mae'r gwaith o greu'r jin yma wedi cymryd drosodd ein bywydau am flwyddyn gyfan, ond ry'n ni'n gyffrous dros ben ein bod ni wedi lansio GŴYR ac yn gobeithio byddwch chi'n ei fwynhau gymaint â ni.
