Amdanom ni

Mae The Gower Gin Company wedi ei leoli ym Morth Einon ar benrhyn Gŵyr. Rydyn ni'n teimlo'n hollol angerddol am jin ac ry'n ni wedi treulio'r 12 mis diwethaf yn datblygu rysáit arbennig, sydd yn ein barn ni, yn adlewyrchu'r ardal sy'n gartref i ni. Ein gobaith yw y byddwch chi'n ei fwynhau lawn cymaint â ni.

Ein bwriad yw cynhyrchu jin crefft ar raddfa fechan, sy'n crynhoi ffresni'r môr a pherarogl yr arfordir a'r twyni tywod sydd o'n cwmpas. Ry'n ni am fod yn llysgenhadon cryf dros ardal Gŵyr a thros Gymru, a dyma'r rheswm i ni ddewis enw hollol Gymraeg ar gyfer ein jin - GŴYR.

Mae'r siwrnai i ddatblygu GŴYR wedi bod yn daith wych yn llawn darganfyddiadau, a ry'n ni am ei rhannu hi gyda chi. Ry'n ni'n distyllu yn Ne Cymru ar benrhyn Gŵyr, lle mae ein hysbrydoliaeth ni, yn ogystal â'r ffenigl, yn tarddu ohono.

EIN JIN

GŴYR

Gwneir GŴYR drwy gyfuno wyth o gynhwysion botanegol, gan gynnwys meryw, croen ffres lemwn, croen ffres grawnffrwyth pinc, ffenigl gwyrdd a ffenigl efydd.

Mae'r botanegau'n mwydo am bron i ddau ddiwrnod, yna mae'r wirod sydd wedi'i thrwytho yn cael ei distyllu'n araf er mwyn creu cyfuniad arbennig GŴYR. Mae'r ABV o 43% yn rhoi gorffeniad llyfn i'r jin sitrws ei naws yma, sy'n dechrau â blas meryw ac sydd ag awgrym o ffenigl aromatig hefyd.

PINWYDD

I ddathlu'n pen-blwydd 1af, ry'n ni wrth ein boddau i lansio'n jin newydd, wedi'i ddistyllu yng Ngŵyr yn ein micro-ddistyllfa ym Mhorth Einon - GŴYR: Pinwydd. Jin sych Llundain crefftus, wedi'i gynhyrchu ychydig ar y tro â nodwyddau pinwydd a gasglwyd, orennau a llugaeron

RHOSILI

Roedd Dylan Thomas yn hoff iawn o'r môr a threuliodd lawer o'i blentyndod ar benrhyn Gŵyr. Roedd yn arbennig o hoff o draeth Rhosili a Phen Pyrod ac ysgrifennodd amdano mewn gweithiau fel yr ‘Extraordinary Little Cough’. Mae'r cynnyrch unigryw hwn yn talu teyrnged i'r Dylan ifanc, oedd yn llawn bywyd a chreadigrwydd. Mae'n jin sy'n adleisio'r môr gyda blas ffres, sitrws rhafnwydd y môr a blodau'r eithin o Rosili.

BARA BRITH

Jin sych Llundain crefftus wedi'i ysbrydoli gan arogl a blas sbeislyd Bara Brith. Cynhyrchwyd ychydig ar y tro mewn llwythi bychain a'i drwytho â ffrwythau wedi'u socian mewn te Cymraeg, sitrws, sinamon a nytmeg.

RHAMANTA

Mae Gŵyr ‘Rhamanta’ yn jin sych Llundain clasurol gyda blas aeron meryw. Mae iddo arogl blodau ysgafn, ac mae’n gadael blas ffrwythau a mymryn o sbeis aromatig i orffen. Mae’n dwyn i gof arogleuon hudolus yr haf a’r môr; ac yn eich atgoffa o Benrhyn Gŵyr lle caiff Jin Gŵyr ei ddistyllu. Mae ‘rhamanta’ nid yn unig yn hen arferiad Cymreig o ddarogan cymar bywyd, mae’r term hefyd yn awgrymu: “byddwch yn rhamantus”. Gobeithio y byddwch yn mwynhau ein jin arbennig a'i neges o ramant a chariad.

NERTH Y DDRAIG

Tân a mwg o anadl draig, ynghyd â gogoniant Pen Pyrod yn Rhosili, oedd yr ysbrydoliaeth ar gyfer y jin Nerth y Ddraig 60% hwn. Mae'r rysáit wedi ei seilio ar jin 'Rhosili' ac yna’n ychwanegol mae tân a mwg y dreigiau a ddaw o bupurau ciwbeb, grawn paradwys a the lapsang souchong.